www.euromundoglobal.com

Entidades en defensa do galego, do éuscaro e do catalán conmemoran os aniversarios de nacemento de Castelao e de Rosalía

  • Enviado por José Antonio Sierra

martes 10 de enero de 2023, 18:13h

10ENE23 – SANTIAGO DE COMPOSTELA.- O acto terá lugar no Panteón de galegos ilustres o 22 de xaneiro ás 12h e contará con intervencións de representantes da Mesa pola Normalización Lingüística, de Euskalgintzaren Kontseilua e da Plataforma per la Llengua e coa actuación musical de Uxía e Os Trinquetes.

Entidades en defensa do galego, do éuscaro e do catalán conmemoran os aniversarios de nacemento de Castelao e de Rosalía

Representantes de entidades sociais de defensa das linguas minoritarias do Estado homenaxearán a Castelao e a Rosalía de Castro, o domingo 22 de xaneiro ás 12h no Panteón de galegos ilustres, nun acto que contará con intervencións de representantes da Mesa pola Normalización Lingüística, de Euskalgintzaren Kontseilua e da Plataforma per la Llengua e coa actuación musical de Uxía e Os Trinquetes.

O 29 de xaneiro cúmprense 137 anos do nacemento de Castelao e o 23 de febreiro, 186 do nacemento de Rosalía de Castro. As entidades en defensa das linguas galega, vasca e catalá queren aproveitar a proximidade de ambas as dúas datas para destacar "o valor referencial que teñen Rosalía e Castelao, cada un no seu tempo, na reivindicación da normalización da lingua galega e, por extensión, de todas as linguas propias dos seus países, cun legado que permanece vivo na actualidade a través do activismo para restitución plena dos respectivos idiomas".
Este 2023 no que tamén se celebra o centenario do primeiro Galeusca, as entidades sociais de defensa das linguas do Estado lembran a Rosalía e a Castelao e reafirman a súa vontade de afondaren nas relacións que manteñen e de traballaren conxuntamente. Este traballo conxunto concretizouse os últimos anos nas accións a respecto da Lei audiovisual, iniciativas no Congreso ou pola defensa dos dereitos lingüísticos conxuntamente con outras entidades doutros territorios do Estado

¿Te ha parecido interesante esta noticia?    Si (5)    No(0)

+
0 comentarios
Portada | Hemeroteca | Índice temático | Búsquedas | [ RSS - XML ] | Política de privacidad y cookies | Aviso Legal
EURO MUNDO GLOBAL
C/ Piedras Vivas, 1 Bajo, 28692.Villafranca del Castillo, Madrid - España :: Tlf. 91 815 46 69 Contacto
EMGCibeles.net, Soluciones Web, Gestor de Contenidos, Especializados en medios de comunicación.EditMaker 7.8